Nvidia ընկերությունը ներկայացրել է երկու նոր մոբայլ տեսաքարթեր GeForce MX230 և MX250 տարբերամակնիշներով: Վերջիններիս հիշողության տեսակը GDDR5 տիպի է:
Ընկերությունը չի տեղեկացնում այս մոբայլ տեսաքարթերի մանրազնին տեխնիկական բնութագրերի մասին, սակայն հայտնի է, որ կիրառում են NVIDIA Optimus տեխնոլոգիան: Հետևաբար տեսաքարթերը աջակցություն ունեն DirectX 12-ին և կարող են անցում կատարել ներդրված գրաֆիկայից դեպի դիսկրետ գրաֆիկայի:
Ճարտարապետական հիմք է հանդիսանում Pascal-ը: Հատկապես այս փաստը թույլ է տալիս մասնագետներին մտածելու, որ նոր տեսաքարթերը մոդիֆիկացված տարբերակներն են GeForce MX130 և GeForce MX150 տեսաքարթերի: Թեպետ պետք չէ շտապել, սակայն կարելի է արդեն ենթադրել, որ նոր տեսաքարթերը էական տարբերություն իրենց արտադրողականությունում չեն տալու: Գեյմերներին հասկանալի լինելու համար նշենք, որ նախորդ սերնդի GeForce MX150-ն ունակ էր 2018 թվականի AAA-դասի խաղերը բացել միայն նվազագույն կարգավորումների դեպքում: Կարծիքները թողնում ենք Ձեզ, թե արդյո՞ք այս սերնդի MX250-ը կկարողանա բացել 2019-ի AAA-դասի խաղերը:
Comments