Microsoft ընկերությունը հրապարակել է տեղեկություն, որի համաձայն սույն թվականի դեկտեմբերի 10-ից վերջնականապես կփակվի Windows 10 Mobile օպերացիոն համակարգը: Այլ կերպ ասած հնարավոր կլինի օգտվել այս օպերացիոն համակարգից, սակայն նշված օրվանից հետո այլևս թարմացումներ և աջակցություն չի ցուցաբերվի ընկերության կողմից: Իսկ նման դեպքում պետք է նկատի ունենալ, որ վտանգված կարող է լինել օգտատերերի անձնական տվյալները, քանի որ այդ կերպ ավելի հեշտ է կոտրել Windows 10 Mobile-ը, ինչպես նաև ավելի հաճախակի կարող են խնդիրներ առաջանալ օնլայն սերվիսներում և այլ ծառայություններից օգտվելիս: Իսկ որ ամենա դաժանն է, առաջացած լուրջ խնդիրների դեպքում հարկ կլինի դրանք լուծել ինքնուրույն, քանի որ, ինչպես նշվեց վերևում, այս սմարթֆոնները և նույնանուն օպերացիոն համակարգերն աջակցություն չեն ստանում:
Նախագծողները նշում են, որ լուսանկարների բեռնումը և վերականգնումը պահուստավորումից ( backup copy ) կշարունակեն աշխատել մինչ 2020 թվականը: Վերջիններս զուտ խորհրդատվության կարգով առաջարկում են օգտատերերին անցում կատարել այլ օպերացիոն համակարգերի, ինչպիսիքն են օրինակ iOS-ը կամ Android-ը: Այս օպերացիոն համակարգերում ներկայացված են Microsoft-ի բոլոր հասանելի հավելվածները և ծառայությունները:
Comments