Մոտ ապագայում Windows 10 օպերացիոն համակարգում սպասվում է հերթական թարմացումը: Սույն թարմացման հատուկ անուն որպես այդպիսին, ընտրվել է 19H2-ը:
Համապատասխան թարմացմանը պետք է սպասել այս տարվա աշնանը:
Իսկ մինչ այդ My Drivers-ը հրապարակել է մի քանի սքրինշոթեր, որտեղ նկատելի է օպերացիոն համակարգի փոփոխությունները: Դրանք առնչվում են դիզայնին:
Մասնավորապես հասկանալի է դառնում, որ Microsoft-ը փոփոխության է ենթարկելու դասական համարվող «սալիկաձև» ոճավորումը: Այս ոճավորումը կփոխարինվի ցանկի տեսքով՝ մեր կողմից բացված վերջին դոկումենտի կամ ֆայլի պատկերով: Ձախ հատվածում կպահպանվի այն տեսքը, որտեղ կարելի է տեսնել տեղակայված հավելվածների կամ ծրագրերի ցուցակը:
Հայտնվում է նաև, որ աշնանը սպասելիք նոր թարմացումը կավելացնի ևս մեկ նոր ֆունկցիա, որը կապ կունենա օպերացիոն համակարգում ներդրված թվային խանութի հետ: Նոր ծրագրի տեղակայումից հետո կհայտնվի համապատասխան պատուհան, որը կառաջարկի կամ բացել այդ ծրագիրը կամ այն ավելացնել Մեկնարկ մենյուի մեջ:
留言