2003 թվականին սկիզբ դրվեց հայտնի Call of Duty շութեր ժանրի խաղային սերիային: Սերիայի առաջին խաղի իրադարձությունները զարգանում են Երկրորդ Համաշխարհային Պատերազմի տարիներին: Ավելի կոնկրետ՝ 1942-1945 թվականների ընթացքում: Խաղի անցումը նախագծողները մեզ մատուցում են 4 տարբեր եղանակներով՝ թույլ տալով խաղալ ԱՄՆ, Բրիտանական, Սովետական և Խորհրդային զորքերով: Խաղը բավական լուրջ է կազմակերպված. մեծ ուշադրության է արժանի ձայնային էֆեկտները: Գարաֆիկայի տեսանկյունից իհարկե այդ թվերի համար այնքան էլ տեղին չի լինել ասել գերազանց, սակայն եղան դեպքեր, երբ կարելի էր հիանալ: Հիմնական «թերությունը» թերևս ինձ համար այն է, որ ի տարբերութուն հակառակորդի զորքերի արհեստական ինտելեկտին, խաղի գլխավորի հերոսին ուղեկցող ընկերների մոտ բացակայում էր վերջինս: Քանի որ շատ դեպքերում չէին կրակում հակառակորդին, թողնելով այդ պարտականութունը հերոսին: Ինչը շատ առաջադրանքների ընթացքում իսկական փորձանք էր դարձել...
Call of Duty խաղի համար ավելի ուշ՝ 2005 թվականին թողարկվեց բավականին հսկայածավալ ադդոն՝ լրացում: Չնայած, որ սա հիմնական խաղի լրացումն էր, սակայն ոչնչով չէր զիջում խաղին, անգամ, կոնկրետ ինձ համար մեկ գնահատականով բարձր էր: Այս ադդոնում նախագծողները ուշադրություն էին դարձրել գրաֆիկային, մասնավորապես ավելացրել էին լուսավորությունը, ավելացրել էին ծխային և կրակի էֆեկտները: Ուշադրութուն էր դարձվել նաև դետալիզացիայն, ինչն ավելացրել էր խաղի գեղեցկությունը: Սակայն ինչպես հիմնական խաղում, այդպես էլ այստեղ, զգացվում էր օգնական ուժի արհեստական ինտելեկտի պակասը: Ընդհանրացնելով ասեմ, որ 2003 թվականի համար սա բավական լուրջ ու գերեզանց խաղ է: Խաղ, որը բացի ժամանակ անցկացնելուց, կարող է տալ պատմական, կոնկրետ Երկրորդ Համաշխարհայինին վերաբերող տեղեկություններ: Հետաքրքիր էր նաև այն, որ հերոսի զոհվելուց հետո նախագծողները մեջբերումներ էին պատկերում պատերազմի վերաբերող մտքեր՝ հայտնի մարդկանց կողմից: Ու բացի այս, խաղը հեշտորեն կլանում է Քեզ, ստիպելով մնալ մարտի դաշտում, կռվել, հաղթել ու հիշել, որ մի ժամանակ առաջ մեր պապերն ու հայրենակիցները նույպես «խաղացել» են այդ օպերացիաներում, կերտելով պատմությունը և հաղթանակը:
Call of Duty - 8/10 Call of Duty: United Offensive - 9/10
Commentaires