Միջոցառման շրջանակներում հանդես եկավ նաև AMD ընկերությունը: Բնականաբար հասկանալի է, որը ընկերությունը չի ներկայացրել խաղեր: Փոխարենը ներկայացրել է նոր տեխնոլոգիաներ, որոնցով խաղալն ավելի հաճելի կդառնա: Գլխավորն առանձնացրել ենք այս հոդվածում:
Ryzen 9 3950X
Ելույթը բացեց ընկերության ղեկավար Լիզա Սուն: Գլխավոր հարցն այն էր, թե ինչ են ցանկանում գեյմերները: Խոսք գնաց կոնսոլների և Google Stadia ծառայության մասին: Հենց այս ընկերությունն է մատակարարում հսկաներին պրոցեսսորներ: Կոնֆերանսի շրջանակներում ներկայացվեց նոր պրոցեսսոր, նախատեսված հատուկ գեյմերների համար: Ryzen 9 3950X պրոցեսսորի միջուկն է Zen 2-ը: Արտադրողների խոսքերով սա առաջին գեյմերեկան պրոցեսորն է աշխարհում, որը ստեղծվել է 16 միջուկներով:
Պրոցեսսորը զինված է երկու 7 նմ-ոց չիպերով, որոնք ընկնում են Zen 2 ճարտարապետության վրա: Քէշ-հիշողությունը կազմում է 72 Մբայթ: Ունակ է միացման բազմահոսքային ռեժիմին: Նվազագույն հաճախությունը 3.5 ԳՀերց է, իսկ առավելագույնը՝ 4.77 ԳՀերց: Խլում է 105 Վտ էներգիա: Սոքեթ է հանդիասնում մեծ տարածում ստացած AM4-ը: Վաճառքում կհայտնվի սեպտեմբերից և կարժենա 750 դոլար:
AMD Radeon RX 5700 XT և RX 5700
Ցուցադրվեց նաև երկու նոր տեսաքարթեր Navi ընտանիքից: Երկու տեսաքարթերը ստեղծված են RDNA ճարտարապետական հիմքի վրա: RX 5700 XT տեսաքարթն ունի 40 հաշվողական բլոքներ և 2500 հոսքային պրոցեսսորներ: Նվազագույն հաճախությունը կազմում է 1605 ՄՀերց, իսկ առավելագույնը՝ 1905 ՄՀերց: Խաղային ռեժիմում նվազագույնից կարող է բարձրանալ, հասնելով 1755 ՄՀերցի: Հզորությունը կազմում է 9.5 տերաֆլոփս: Սա մոտավորապես հավասար է Nvidia GeForce GTX 1080-ին: Պրոցեսսորը ստեղծված է 7 նմ-ոց տեխնոլոգիայով: Տեսաքարթի հիշողությունը 8 Գբայթ է՝ GDDR6 տեսակի հիշողությամբ: Տվյալների հաղորդիչը 256 բիթ: Խլում է 225 Վտ էներգիա:
Կրտսեր ներկայացուցիչը՝ RX 5700-ն ունի 36 հաշվողական բլոքներ:Հոսքային պրոցեսսորների քանակը 2304-ն է: Նվազագույն հաճախությունը 1465 ՄՀերց է, իսկ առավելագույնը՝ 1725 ՄՀերց: Խաղային ռեժիմում նվազագույնից կարող է բարձրանալ մինչև 1625 ՄՀերցի: Հզորությունը՝ 7.95 տերաֆլոփս: Հիշողությունը՝ 8 Գբայթ և խլում է 180 Վտ էներգիա: Թեստավորման արդյույունքները ցույց են տալիս, որ կարող է առաջ անցնել GeForce RTX 2070-ից շատ խաղերում՝ գրաֆիկական բարձր կարգավորումների դեպքում: Իսկ համեմատած GeForce RTX 2060-ի հետ, ունի 10% առավելություն:
Երկու տեսաքարթերը վաճառքում կհայտնվեն հուլիսի 7-ից սկսած: Գները 450 և 380 դոլար, համապատասխանաբար:
AMD Radeon RX 5700 XT 50th Anniversary Edition
Ցուցադրված տեսաքարթը RX 5700 XT-ի հզորացված մոդիֆիկացիան է՝ ոսկյա գունավորմամբ և թողարկվում է ընկերության 50-ամյակի կապակցությամբ:
Պարունակում է 40 հաշվողական բլոքներ և 2560 հոսքային պրոցեսսորներ: GDDR6 եսակի հիշողության ծավալը 8 Գբայթ է: Նվազագույն հաճախությունը 1680 ՄՀերց է, խաղային ռեժիմում՝ 1830 ՄՀերց, իսկ առավելագույն հաճախությունը կազմում է 1980 ՄՀերց: Հզորությունը 10.14 տերաֆլոփս: ոբելյանական այս տեսաքարթը վաճառքում կհայտնվի հուլիսի 7-իցև կարժենա 500 դոլար:
コメント