Մոբայլ գեյմփադ Honor-ից
- Game Over
- 21 авг. 2019 г.
- 1 мин. чтения
Honor-ը ներկայացրել է մոբայլ սարքավորումների համար նախատեսված գեյմփադ, որն ունի շարժական լիցքավորման հնարավորություն: Լիցքավորման համար հարկավոր կլինի USB Type-C-ի միացումը, իսկ խաղերի դեպքում Bluetooth-միացումը:
Մարտկոցի ծավալը 400 մԱմպեր է: Ընկերությունը նշում է, թե այս որոշումը գալիս է նրանից, որպեսզի ակտիվ խաղային պրոցեսսի ժամանակ քիչ էներգիա վատնվի սմարթֆոնից:
Հետաքրքիր է, որ ընկերությունը չի նշել, թե ստույգ ինչ սմարթֆոնների համար է կիրառելի Honor GamePad-ը, սակայն դատելով արտաքին տեսքից, այն կարող է օգտագործվել տարբեր մոբայլ սարքավորումների մոտ: Անձամբ ընկերությունը հիմնվում է իր իսկ արտադրանքի՝ Honor 20 Pro-ի վրա: Թեպետ գեյմփադ-սարքավորումը վաճառքում է հայտնվելու այս տարվա ընթացքում, սակայն ստույգ օր, ինչպես նաև գին չի նշվում:
Բացի այս ընկերությունը տեղեկացրել է, թե պատրաստվում են ընդլայնել իրենց խաղային գործունեությունը: Այս պահին էլ ընկերությունը համագործակցում է տարբեր խաղային ստուդիաների հետ և մոտ ապագայում սեփական սմարթֆոններում տեղ կգտնեն հատուկ խաղեր: Honor-ը մասնակցություն կունենա նաև կիբեռսպորտային միջոցառումներին:
Comments